هاوڕێ نازداره‌که‌م

ئه‌ی ته‌لیسمه‌ جوانه‌کانی به‌رده‌م نیگای چاوه‌کانم 
ئه‌م نیگایه‌تم لێ مه‌شێوێنه‌ نه‌با بڕۆیت و نه‌تبینمه‌وه‌
تۆ نازانی چه‌نده‌ په‌رۆشی ئه‌م نیگایانه‌م
بیکه‌ به‌ خاتری ئه‌ستێره‌کان ، به‌ خاتری گووڵه‌ سووره‌کان
ئه‌م جاره‌یان لام بمێنه‌ره‌وه‌ تاکو برینه‌کانم ساڕێژ ببنه‌وه‌ 
با له‌ چاوه‌کانما هه‌تا هه‌تایه‌ بمێننه‌وه‌ ، نه‌توێنه‌وه‌ 
نوسراوه‌ له‌ ۱۳٩٠/۱٠/٢٤ کاتژمێر ٦:٠٩ ‎ب.ظ له‌ لایه‌ن shaima jaff بۆچوونه‌کان () |

دڵگران نابم و لام ئاساییه ‌دوژمنه‌که‌م ئازارم بدات! چونکه‌ ئه‌وه‌ کاری خۆیه‌تی، به‌ڵام کاتێک دڵگران ده‌بم که‌ هاوڕێکه‌م ئازارم ده‌دات چونکه‌ ئازاردانم کاری که‌سێک نی یه‌ که‌ به‌ متمانه‌وه‌ له‌ ڕێگادا له‌ گه‌ڵی ده‌ڕۆم ...

 

نوسراوه‌ له‌ ۱۳٩٠/۱٠/۱٩ کاتژمێر ۱۱:٢٥ ‎ق.ظ له‌ لایه‌ن shaima jaff بۆچوونه‌کان () |


یا مقلب القلوب والابصار، یا مدبر اللیل والنهار ، یا محوّل الحول والاحوال ، حوّل حالنا إلى أحسن الحال.  

 
نوسراوه‌ له‌ ۱۳٩٠/۱٠/۱۳ کاتژمێر ۱٢:٤٠ ‎ب.ظ له‌ لایه‌ن shaima jaff بۆچوونه‌کان () |


ئەو کەسەی تۆی خۆش بوێ ،بە دواتا ئەگەڕێ لەو کاتانەی کە سەرقاڵی هەموو شتێکە لە ژیان نەک لە کاتی بێ ئیشی، بەدواتا بگەڕێ بۆ سەرقاڵی .
 
نوسراوه‌ له‌ ۱۳٩٠/۱٠/۱۳ کاتژمێر ۱٢:۳٩ ‎ب.ظ له‌ لایه‌ن shaima jaff بۆچوونه‌کان () |


هیچ شتێک له‌وه‌ خۆشتر نیه‌ کاتێ خۆت هه‌موو ڕاستیه‌کان ئه‌زانیت و کاتێ پرسیار له‌ به‌رامبه‌ره‌که‌ت ئه‌که‌یت درۆت له‌گه‌ڵ ئه‌کات به‌ڵام زۆر به‌ ئازاره‌ ئه‌گه‌ر ئه‌و که‌سه‌ ئازیزێکت بێت له‌ کاتێکدا تۆ هه‌میشه‌ به‌ ڕاستی له‌گه‌ڵیدا ئه‌جوڵێیته‌وه‌ ...
 
نوسراوه‌ له‌ ۱۳٩٠/۱٠/۱۳ کاتژمێر ۱٢:۳٧ ‎ب.ظ له‌ لایه‌ن shaima jaff بۆچوونه‌کان () |


ماوه‌یه‌که‌ هێنده‌ تووڕه‌م هه‌موو شتێکم له‌ بیر کردووه‌ ... بیرم چووه‌ته‌وه‌ چۆن بووم جاران ، پێکه‌نینه‌کانم ده‌نگی چۆن بوو ؟! بیرم چووه‌ته‌وه‌ چۆن بگریم ، یان چۆن هاوار بکه‌م ... ئاخۆ ده‌نگی من چۆن بوو ؟! هه‌موو شتێکم بیر چووه‌ته‌وه‌ ، ته‌نانه‌ت نازانم چۆن هه‌ناسه‌ بده‌م ... ڕه‌نگه‌ ئه‌مه‌ مه‌حاڵ بێت که‌ زیندووم !!! 
 
نوسراوه‌ له‌ ۱۳٩٠/۱٠/۱۳ کاتژمێر ۱٢:۳٥ ‎ب.ظ له‌ لایه‌ن shaima jaff بۆچوونه‌کان () |


هه‌ندێ که‌س هه‌ن کاتێ که‌ دێنه‌ ناو ژیانته‌وه‌ ، هه‌رچه‌نده‌ ئازارت بده‌ن و دڵگرانت بکه‌ن و بتڕه‌نجێنن به‌ڵام دیسانه‌وه‌ گوێ به‌وانه‌ ناده‌یت و زۆریان بیر ئه‌که‌یت ...
 
نوسراوه‌ له‌ ۱۳٩٠/۱٠/۱۳ کاتژمێر ۱٢:۳٢ ‎ب.ظ له‌ لایه‌ن shaima jaff بۆچوونه‌کان () |


کاتێ که‌ منداڵیت ته‌نانه‌ت له‌ ڕێگای وێنه‌ کێشانه‌کانیشته‌وه‌ ئه‌توانن هه‌ست به‌ ناخ و بێزاریه‌کانت بکه‌ن . به‌ڵام کاتێ که‌ گه‌وره‌ ئه‌بیت نه‌ له‌ قسه‌کانت تێئه‌گه‌ن ، نه‌ له‌ هاواره‌کانت !!! به‌ هیچ جۆرێک هه‌ست به‌ ئازاره‌کانت ناکه‌ن .  

 
نوسراوه‌ له‌ ۱۳٩٠/۱٠/۱۳ کاتژمێر ۱٢:۳٠ ‎ب.ظ له‌ لایه‌ن shaima jaff بۆچوونه‌کان () |


ئه‌و که‌سانه‌ی به‌ ووته‌ی ناشرین برینداریان کردوی پێیان بڵێ :
پێیان بڵێ :
که‌ تۆ ئه‌وانت له‌ بیرکردووه‌ 
... 
پێیان بڵێ :
تۆش رۆژێک پشتگوێیان ده‌خه‌یت و جێیان دێلیت وه‌کو چۆن ئه‌وان پشتگۆیان خستیت . ته‌مه‌نیش هه‌رگیز بۆدواوه‌ ناگه‌ڕێته‌وه‌

پێیان بڵێ :
زۆر له‌دوایاندا گریام تا ئه‌وکاته‌ی گه‌یشتمه‌ ئه‌و باوه‌ڕه‌ی که‌ ئه‌وان مردوون

پێیان بڵێ :
رۆیشتنی ئه‌وان وای له‌ تۆ کرد دووباره‌ خۆت بدۆزیته‌وه‌ 

پێیان بڵێ :
هه‌موو ئه‌و چه‌قوویانه‌ی له‌ پشتیان داوی ده‌رت کردوون و دووباره‌ له‌دایک بوونی خۆت راگه‌یاندووه‌ 

پێیان بڵێ :
چیترله‌ وێستگه‌کانی چاوه‌ڕوانیدا له‌سه‌ریان ناوه‌ستیت و له‌نێو هاتووه‌کان و له‌ناو قه‌ڕه‌باڵغیدا به‌دوایاندا ناگه‌ڕێیت 

پێیان بڵێ :
ئه‌و شوێنه‌ی له‌ بیره‌وه‌ریتدایه‌ شوێنی ئه‌وان نییه‌ و هیچت له‌وان نه‌ماوه‌ ته‌نها رابردوو نه‌بێ 

پێیان بڵێ :
ئه‌وان له‌ساته‌کانی برین و ئازاردا وه‌ک خوێن له‌له‌شت هاتنه‌ ده‌ره‌وه‌.. و وه‌کو باڵنده‌ش ئازادت کردوون و هه‌موو ده‌رگاکانت داخست و به‌ڵێنت به‌خۆتدا که‌ ده‌رگای خۆت بۆ هیچ که‌س نه‌که‌یته‌وه‌ ته‌نها بۆ ئه‌وانه‌ نه‌بێت که‌ شایانی هاوڕێیه‌تین

پێیان بڵێ ..
به‌لکو هیچیان پێ مه‌ڵێ ... به‌ بێده‌نگییه‌وه‌ پێشوازییان لێ بکه‌ .. چونکه‌ هه‌ندێ جار بێ ده‌نگی توانایه‌کی زۆری هه‌یه‌ له‌ گوزارشت کردن له‌و شتانه‌ی پیت و وشه‌کان ناتوانن ده‌ریببڕن
 
نوسراوه‌ له‌ ۱۳٩٠/۱٠/۱۳ کاتژمێر ۱٢:٢۸ ‎ب.ظ له‌ لایه‌ن shaima jaff بۆچوونه‌کان () |


له‌ که‌س مه‌ڕه‌نجێن ئه‌گه‌ر دڵتان شکا به‌ڵکو له‌ خۆتان بڕه‌نجێن له‌به‌ر ئه‌وه‌ی دڵتان فێر نه‌کردووه‌ که‌ هه‌موو شتێک گۆڕاوه‌ ... له‌ شارێکدا که‌ خه‌ڵکه‌کانی گۆچان له‌ کوێر ئه‌دزن به‌ دوای خۆشه‌ویستی دا گه‌ڕان هه‌ڵه‌یه‌کی گه‌وره‌یه‌ ...
 
نوسراوه‌ له‌ ۱۳٩٠/۱٠/۱۳ کاتژمێر ۱٢:٢٧ ‎ب.ظ له‌ لایه‌ن shaima jaff بۆچوونه‌کان () |


هه‌موو نوسینێک ئاوازێکى تایبه‌تى خۆى هه‌یه‌ ... بیرى شێوازى نوسینه‌کانت ئه‌که‌م ... نیگاى هه‌موو چاوێک ڕه‌نگێکى تایبه‌تى هه‌یه‌ ... بیرى ڕه‌نگى نیگاى چاوانت ئه‌که‌م ... هه‌موو پێکه‌نینێک تامێکى تایبه‌تى هه‌یه‌ ... بیرى تامى پێکه‌نینه‌کانت ئه‌که‌م ... من شێتى ئاوازى نوسینه‌کانت ، ڕه‌نگى نیگات ، تامى پێکه‌نینه‌کانتم ، تکایه‌ زوو وه‌ره‌وه‌ ...
 
نوسراوه‌ له‌ ۱۳٩٠/۱٠/۱۳ کاتژمێر ۱٢:٢٥ ‎ب.ظ له‌ لایه‌ن shaima jaff بۆچوونه‌کان () |


ئه‌گه‌ر ئیزڕائیل هات بۆ لام پێی بڵێ خه‌ریکه‌ په‌خشانێک ئه‌نوسێ . پێی بڵێ به‌ دڵنیاییه‌وه‌ سبه‌ی یان دوو سبه‌ی دێت و خۆی به‌ کێل سازه‌که‌ی ئه‌ناسێنێت ... بڵی مردووه‌ به‌ڵام ته‌نها زه‌رده‌خه‌نه‌ له‌سه‌ر لێویه‌تی .
 
نوسراوه‌ له‌ ۱۳٩٠/۱٠/۱۳ کاتژمێر ۱٢:٢٤ ‎ب.ظ له‌ لایه‌ن shaima jaff بۆچوونه‌کان () |


له‌ بیرت دێ جارێک پرسیت: بۆ هه‌میشه‌ چاوی باران ئاوا ته‌ڕه‌؟؟!
منیش وتم وه‌ک زۆر ئێواره‌ی من و تۆ له‌ نێوان دوو هه‌وردا شه‌ڕه‌!
به‌س نه‌ت پرسی ئه‌ی چۆنی خۆش ده‌کاته‌وه‌ ؟..............
تا پێت بڵێم : هه‌ورێکیان وه‌ک من وایه‌ خۆی ناگرێ, ئه‌وی تر ئاشت ئه‌کاته‌وه!!!

 
نوسراوه‌ له‌ ۱۳٩٠/۱٠/۱۳ کاتژمێر ۱٢:٢٢ ‎ب.ظ له‌ لایه‌ن shaima jaff بۆچوونه‌کان () |


دوو شت هه‌میشه‌ له‌ یاده‌وه‌ری مرۆڤدا ئه‌مێنێته‌وه‌ ، هاوڕێی باش و ڕۆژه‌ خۆشه‌کان ... به‌ڵام شتێک هه‌میشه‌ له‌ دڵی مرۆڤدا ئه‌مێنێته‌وه‌ ، ئه‌و ڕۆژه‌ خۆشانه‌ی که‌ له‌گه‌ڵ هاوڕێ باشه‌که‌تدا به‌سه‌رت بردوه‌ ...

 
نوسراوه‌ له‌ ۱۳٩٠/۱٠/۱۳ کاتژمێر ۱٢:٢۱ ‎ب.ظ له‌ لایه‌ن shaima jaff بۆچوونه‌کان () |


کاتێک له گه‌ڵ خه‌ڵکی تردا سه‌رقاڵیت ... کاتێک هه‌موویان ئازیزی دڵتن و به‌ گیان وه‌ڵامیان ئه‌ده‌یته‌وه‌ ... ئه‌وسا چ ته‌وفیرێکی هه‌یه‌ من له‌ کوێم ؟ هه‌بم یان نا ؟؟؟ بێده‌نگ و ته‌نیا له‌ شوێنێکدا دانیشتووم و گله‌ییش ناکه‌م ... له‌وانه‌یه‌ کاتێ هه‌ستت به‌ من کرد و ئاوڕت بۆ دامه‌وه‌ من ئیتر ڕۆیشتبێتم ...
 
نوسراوه‌ له‌ ۱۳٩٠/۱٠/۱۳ کاتژمێر ۱٢:۱۸ ‎ب.ظ له‌ لایه‌ن shaima jaff بۆچوونه‌کان () |


له‌ خه‌می کام نیگادا وا سه‌رلێ شێواویت ... له‌ خه‌یاڵی کام شیرین دا وا ئاواره‌یت ...ئێستا به‌ ده‌نگی کێ هێمن ئه‌بیته‌وه‌ ... ناتوانم بڕوا بکه‌م ، کێیه‌ ئه‌و که‌سه‌ی هه‌ستی تۆی بردوه‌ و تۆی له‌ من سه‌ندوه‌ ...
 
نوسراوه‌ له‌ ۱۳٩٠/۱٠/۱۳ کاتژمێر ۱٢:۱٦ ‎ب.ظ له‌ لایه‌ن shaima jaff بۆچوونه‌کان () |


کاتێ قه‌له‌ ڕه‌شه‌که‌ له‌ سه‌ر شانی داهۆڵه‌که‌ فڕی ... داهۆڵه‌که‌ پێی ووت : چه‌ن حه‌ز ئه‌که‌یت ده‌نووکم لێ بده‌ به‌ڵام به‌ ته‌نیا جێم مه‌هێڵه‌ ...
 
نوسراوه‌ له‌ ۱۳٩٠/۱٠/۱۳ کاتژمێر ۱٢:۱٥ ‎ب.ظ له‌ لایه‌ن shaima jaff بۆچوونه‌کان () |


هه‌ست ئه‌که‌م زۆر به‌ خراپی یاریه‌که‌م دۆڕاند خۆ من هاوڕێت بووم نه‌ک دووژمن ..

 

نوسراوه‌ له‌ ۱۳٩٠/۱٠/۱۳ کاتژمێر ۱٢:۱۳ ‎ب.ظ له‌ لایه‌ن shaima jaff بۆچوونه‌کان () |


خۆزگه‌ تێئه‌گه‌یشتی کاتێ که‌ لێت ئه‌تۆرێم ، ئه‌مه‌وێت بێیت و ده‌ستم تووندتر بگریت و به‌ ده‌نگی به‌رز پێم بڵێیت مه‌ڕۆ ... نه‌ک شانت به‌رز بکه‌یته‌وه‌و به‌ له‌سه‌رخۆیی بڵێیت هه‌ر چۆنێک ئاسوده‌تریت ...

 
نوسراوه‌ له‌ ۱۳٩٠/۱٠/۱۳ کاتژمێر ۱٢:۱۱ ‎ب.ظ له‌ لایه‌ن shaima jaff بۆچوونه‌کان () |


خۆزگه‌ هه‌میشه‌ به‌ منداڵی ئه‌ماینه‌وه‌ هه‌تا له‌ جیاتی دڵمان ، ئه‌ژنۆمان بریندار بووایه‌ ...

 

نوسراوه‌ له‌ ۱۳٩٠/۱٠/۱۳ کاتژمێر ۱٢:۱٠ ‎ب.ظ له‌ لایه‌ن shaima jaff بۆچوونه‌کان () |


هه‌میشه‌ حه‌زم ئه‌کرد که‌ باڵنده‌یه‌ک بوومایه‌ هه‌تا جوانترین ئاوازه‌کانت بۆ بڵێم یان نوسه‌رێک بوومایه‌ هه‌تا باشترین چیرۆکه‌کانت بۆ بنوسم یان په‌پووله‌یه‌ک بوومایه‌ هه‌تا به‌ ده‌ورى مۆمى ته‌مه‌نتدا بسوڕامایه‌ته‌وه‌ . به‌ڵام به‌ داخه‌وه‌ و سه‌د داخ که‌ نه‌ باڵنده‌م و نه‌ په‌پوله‌ و نه‌ نووسه‌ر به‌ڵکو مرۆڤێکى بێ هێزم و ته‌نها ئه‌توانم بڵێم ... زۆرم خۆش ئه‌وێیت ...

 
نوسراوه‌ له‌ ۱۳٩٠/۱٠/۱۳ کاتژمێر ۱٢:٠۸ ‎ب.ظ له‌ لایه‌ن shaima jaff بۆچوونه‌کان () |


ووتیان ئه‌گه‌ر بۆ گه‌ڕانه‌وه‌ی له‌ خوا بپاڕێیته‌وه‌ ئه‌وا ده‌گه‌ڕێته‌وه‌ ... پێم ووتن ئه‌گه‌ڕ به‌ پاڕانه‌وه‌ بێته‌وه‌ ئه‌وا به‌ ناخۆشیه‌کی بچوک ئه‌ڕواته‌وه‌ ... بۆیه‌ ئه‌گه‌ر ویستت بێیت به‌ پاڕانه‌وه‌ مه‌یه‌ به‌ دڵ وه‌ره‌ ...
 
نوسراوه‌ له‌ ۱۳٩٠/۱٠/۱۳ کاتژمێر ۱٢:٠٦ ‎ب.ظ له‌ لایه‌ن shaima jaff بۆچوونه‌کان () |


هیچ چاوه‌ڕوانیه‌کم له‌ هیچ که‌سێک نیه‌ . ئه‌مه‌ش واتای به‌ هێزی من نیه‌ ! به‌ڵکو ئه‌مه‌ بریتیه‌ له‌ ماندوویه‌تیم بۆهه‌موو ئه‌و متمانه‌یه‌ی که‌ پێم به‌خشین و ئه‌وانیش له‌ به‌رامبه‌ردا پشتیان چۆڵ کردم ...

 
نوسراوه‌ له‌ ۱۳٩٠/۱٠/۱۳ کاتژمێر ۱٢:٠٤ ‎ب.ظ له‌ لایه‌ن shaima jaff بۆچوونه‌کان () |


له‌ دڵى مندا که‌سێک هه‌یه‌ که‌ هه‌تا دره‌وشاندنه‌وه‌ى کۆتا ئه‌ستێره‌ و سیس بوونى کۆتا گووڵ و هه‌ڵوه‌رینى کۆتا گه‌ڵا خۆشم ئه‌وێت ... که‌واته‌ هه‌تا ئه‌و کاته‌ی که‌ ۲+۲=۴ خۆشم ئه‌وییت ... تۆ هه‌میشه‌ ( ۱۵ و ۷۲۱ ) یت ... بیرت ئه‌که‌م ...

 
نوسراوه‌ له‌ ۱۳٩٠/۱٠/۱۳ کاتژمێر ۱٢:٠٢ ‎ب.ظ له‌ لایه‌ن shaima jaff بۆچوونه‌کان () |


خوایه‌ گیان چه‌ندین چرکه‌ له‌ ژیانمدا وونم کردوویت به‌ڵام تۆ هه‌میشه‌ له‌ لامه‌وه‌ بوویت ...چه‌ندین خوله‌ک بوونتم له‌ بیر کرد به‌ڵام تۆ هه‌رگیز له‌ بیرت نه‌کردم ...چه‌نده‌ها کاتژمێر که‌ من له‌ خۆشى خۆمدا نووقم بووم و تۆ که‌ له‌ پشت هه‌موو سه‌رکه‌وتنه‌کانمه‌وه‌ بوویت و نه‌مبینیت له‌ بیرم کردى ، به‌ڵام تۆهه‌میشه‌ منت له‌ بیر بووه‌....چه‌ندین ڕۆژ که‌ له‌ خه‌فه‌تدا ئه‌تلامه‌وه‌ و وامئه‌زانى سزاى ئه‌و کاره‌ خراپانه‌یه‌ که‌ کردوومه‌ به‌ڵام تۆهه‌میشه‌ کارێکت کردووه‌ که‌ به‌ سوودى من بێت ....کاتێ که‌ نائومێد و ماندوو له‌ هه‌موو که‌سێک و هه‌موو شتێ په‌نام بۆ تۆ برد تۆ په‌نات دام ...کاتێ که‌ مرۆڤه‌کان دڵیان شکاندم و دنیا خه‌مه‌کانى دامێ تۆ ئارامیت خسته‌ ناو دڵمه‌وه‌ ...تۆ به‌ بوونى خۆت ڕێ و شوێنت دا به‌ پێکه‌نینه‌کانم ، هۆت دا به‌ گریانه‌کانم ، به‌ ژیانم ، به‌ هه‌ناسه‌ کێشانه‌کانم ...کاتێ دڵم لێ ئه‌دات تۆ هه‌موو گه‌وره‌یى خۆت ئه‌خه‌یته‌ ناو دڵمه‌وه‌ ...کاتێ هاوڕێکانم باسى ناخۆشى و خه‌مه‌کانى خۆیانم بۆ ئه‌که‌ن و من له‌ لاى تۆ بۆیان ئه‌پاڕێمه‌وه‌ ئه‌وسا تێ ئه‌گه‌م که‌ خه‌مه‌کانى ئه‌وان زۆر زیاتر له‌ خه‌مه‌کانى خۆمن ئه‌و کاته‌ له‌ ناو دڵمدا هه‌ستم به‌ خۆشى یارمه‌تیدانى خه‌ڵکى کرد ...کاتێ پێت به‌خشیم و لێت سه‌ندمه‌وه‌ ئه‌وسا تێگه‌یشتم که‌ ئه‌مه‌ هاوکێشه‌ى ژیانه‌ نه‌ک خه‌م خواردن بۆ نه‌بوونه‌کان ...کاتێ بۆ نه‌بوونه‌کان نیعمه‌تى ترت دامێ ئه‌وسا زیاتر هه‌ستم به‌ گه‌وره‌یى و سۆزت کرد ... تێگه‌یشتم زۆر زیاتر له‌وه‌ى که‌ هه‌یت به‌ به‌زه‌ییت ...خوایه‌ گیان زۆر زۆرم خۆش ئه‌وێیت . له‌به‌ر هه‌موو ئه‌و شتانه‌ى که‌ داوتمه‌تێ سوپاس ...خوایه‌ گیان سووپاست ئه‌که‌م بۆ ئه‌و شتانه‌ى که‌ داوتمه‌تێ ، ئه‌و شتانه‌ى که‌ نامده‌یتێ و ئه‌و شتانه‌ى که‌ لێم ئه‌سه‌نى ...ئه‌وانه‌ى که‌ ئه‌مده‌یتێ نیعمه‌تن ، ئه‌وانه‌ى که‌ نامده‌یتێ ڕه‌حمه‌تن ، ئه‌وانه‌ى که‌ لێم ئه‌سه‌نیته‌وه‌ حیکمه‌تن .
 
نوسراوه‌ له‌ ۱۳٩٠/۱٠/۱۳ کاتژمێر ۱۱:٥٩ ‎ق.ظ له‌ لایه‌ن shaima jaff بۆچوونه‌کان () |


له‌ تاریکی ئه‌م شه‌وانه‌دا من له‌ یادی تۆدام ... تۆ له‌ خه‌ودایت و ئاگات لێم نیه‌ من چۆن ئه‌گریم ... تۆ به‌ هه‌ستم پێئه‌که‌نیت و نازانیت من چی ئه‌چێژم ... تۆ دڵخۆشیت و من به‌مه‌ دڵخۆشم ... به‌ڵام تۆ ئاگات له‌ خه‌می ناو چاوی من نیه‌ ... تۆ چی له‌ مرۆڤ و هه‌ستی ئه‌زانیت ؟ ... من پڕم له‌ ئازار ... تۆ چ شتێک له‌ هه‌نیسک ئه‌زانیت ؟ ... تۆ له‌ ته‌نیایی و گریان ،تۆ له‌ مرۆڤی شه‌رمه‌زار چ شتێک ئه‌زانیت ؟ ...له‌ ناو کۆڵانی تاریک و له‌ ناو سێبه‌ر مانه‌وه‌ بۆ بینینی تۆ پاڕانه‌وه‌ ... له‌مه‌ تێبگه‌ ... تۆ له‌ خه‌ودایت و منیش ئه‌گریم ..

نوسراوه‌ له‌ ۱۳٩٠/۱٠/۱۳ کاتژمێر ۱٠:۱۸ ‎ق.ظ له‌ لایه‌ن shaima jaff بۆچوونه‌کان () |


سڵاو ئازیزی به‌ سۆز ... ڕوخسه‌تم پێ ئه‌ده‌یت به‌ساقه‌ت بم ... ڕوخسه‌تم پێ ئه‌ده‌یت پێکه‌نینه‌کانت له‌ ناو ئه‌م نوسینانه‌دا ڕه‌نگ بداته‌وه‌ ... ڕوخسه‌تم پێ ئه‌ده‌یت شه‌و به‌ هێواشی بڕۆم بۆ ئاسمان و ئه‌ستێره‌ت بۆ لێبکه‌مه‌وه‌ ؟ ...ڕوخسه‌تم پێ ئه‌ده‌یت پێت بڵێم زۆرم خۆش ئه‌وێیت ... تۆیش پێم بڵێیت منت خۆش ئه‌وێت ، ئه‌وسا من ببم به‌ باران و بۆت ببارم ؟ ... ڕوخسه‌تم پێ ئه‌ده‌یت وا هه‌ست بکه‌م به‌ ڕۆیشتنت دڵم ناشکێنی ؟ دیسانه‌وه‌ وه‌ره‌وه‌ بۆ بینینم ... ڕوخسه‌تم پێ ئه‌ده‌یت به‌و چاوه‌ جوانانه‌ت دیسانه‌وه‌ سه‌یرم بکه‌یته‌وه‌ ؟... ڕوخسه‌تم پێ ئه‌ده‌یت به‌ پشت به‌ستنم به‌ تۆ له‌ ژیانمدا پێش بکه‌وم ؟ ... ئه‌گه‌ر داوای ڕۆحیشم بکه‌یت ئه‌تده‌مێ ته‌نها مه‌ڵێ بڕۆ ... ڕوخسه‌تم پێ ئه‌ده‌یت هه‌موو شه‌وێک بێمه‌ ناو خه‌ونه‌کانت ؟... له‌ زه‌وی و ئاسمانه‌وه‌ گووڵ بارانت بکه‌م ... ڕوخسه‌تم پێ ئه‌ده‌یت ؟؟؟ پێم بڵێ که‌ ڕوخسه‌تم ئه‌ده‌یتێ باش؟؟؟ له‌گه‌ڵ تۆدا هه‌تا ئاسمان ئه‌ڕۆم ... له‌گه‌ڵ تۆدا مرۆڤێکی ترم ... ڕوخسه‌تم پێ ئه‌ده‌یت هه‌تا پێت بڵێم تۆ له‌ ئاسمانه‌وه‌ هاتوویت ... فریشته‌کان ئه‌ناسیت له‌ زمانیان تێ ئه‌گه‌یت ... ڕوخسه‌تم پێ ئه‌ده‌یت ئیتر لێت دوور نه‌که‌ومه‌وه‌ ؟...
 
نوسراوه‌ له‌ ۱۳٩٠/۱٠/۱۳ کاتژمێر ۱٠:۱٦ ‎ق.ظ له‌ لایه‌ن shaima jaff بۆچوونه‌کان () |


خۆشم ئه‌وێیت به‌قه‌د هه‌موو مرۆڤه‌کان ... خۆتت گه‌یانده‌ لوتکه‌ی دڵم و له‌ ناکاو خۆتت وون کرد ... بۆ وات کرد بێ وه‌فا ؟!... له‌ چاوی من دوور مه‌که‌وه‌ره‌وه‌ ... ته‌نیام مه‌که‌ ، به‌ ته‌نیا مه‌ڕۆ ... تۆ هه‌تا ئاسمان ئه‌فڕییت ... منیش ماندوو و بێ په‌ڕ و باڵم ... ئه‌گه‌ر دره‌نگ بگه‌ڕێیته‌وه‌ ... ئیتر هیچ نیشانه‌یه‌ک له‌ من نادۆزیته‌وه‌ ... من وه‌کو هه‌ورێکی ڕێبوار له‌ شه‌وه‌وه‌ هه‌تا به‌ره‌ به‌یان ئه‌بارێم ... که‌چی ده‌ریاش به‌ دوای دڵۆپه‌ ئاواره‌کاندا ناگه‌ڕێت ... هه‌ڵۆش جێمدێڵێت ...خۆشم ئه‌وێیت به‌قه‌د هه‌موو مرۆڤه‌کان ... ته‌نیام مه‌که‌ ... ته‌نیام مه‌که‌ ...
 
نوسراوه‌ له‌ ۱۳٩٠/۱٠/۱۳ کاتژمێر ۱٠:۱٤ ‎ق.ظ له‌ لایه‌ن shaima jaff بۆچوونه‌کان () |


کاتێ دێیت ، ده‌نگی پێت له‌ هه‌موو شه‌قامه‌کانه‌وه‌ ئه‌بیستم ... نه‌ک له‌ شارێکی دووره‌وه‌ به‌ڵکو له‌ هه‌موو دونیاوه‌ ئه‌یبیستم ... هه‌رچی شه‌قامه‌ له‌سه‌ر زه‌وی ئه‌گاته‌وه‌ به‌ دڵی من ... تۆ هه‌موو که‌سی منیت ، به‌ بێ تۆ هه‌ناسه‌م پێ نادرێت ... ئه‌گه‌ر تۆم هه‌بێت به‌ هه‌موو شتێک ئه‌گه‌م ... ئه‌گه‌رتۆم نه‌بێت باسی دڵم بۆ کێ بکه‌م ؟! ... بۆ کێ گووڵه‌کان له‌ خه‌و هه‌ڵبستێنم ؟! ... مه‌گه‌ر من ئه‌توانم بێ تۆ بژیم ؟! ... تۆ ژیانێکی نوێی بو من ، تۆ هه‌ناسه‌کانمیت ... تۆ هه‌موو که‌سی منیت ، به‌ بێ تۆ هه‌ناسه‌م پێ نادرێت ...
 
نوسراوه‌ له‌ ۱۳٩٠/۱٠/۱۳ کاتژمێر ۱٠:۱۱ ‎ق.ظ له‌ لایه‌ن shaima jaff بۆچوونه‌کان () |


پێت ناڵێم خۆشم ئه‌وێیت ، به‌ڵام سوێند ئه‌خۆم که‌ خۆشم ئه‌وێیت ... پێت ناڵێم که‌ هه‌رچیه‌کت بوێت ئه‌تده‌مێ ، له‌به‌ر ئه‌وه‌ى هه‌موو شتێکى من تۆیت ...ئه‌گه‌ر ڕۆژێک چاوانت پڕ له‌ فرمێسک بوو ، به‌ دواى شانێکدا گه‌ڕایت هه‌تا له‌سه‌رى بگریت ، بانگم بکه‌ ، به‌ڵێن ناده‌م که‌ ژیرت بکه‌مه‌وه‌ به‌ڵام منیش له‌گه‌ڵتا ئه‌گریم ...ئه‌گه‌ر به‌دواى په‌یکه‌رێکى بێده‌نگدا گه‌ڕایت هه‌تا به‌سه‌ریدا هاوار بکه‌یت ، بانگم بکه‌ به‌ڵێن ئه‌ده‌م بێده‌نگ بمێنمه‌وه‌ . ئه‌زانى هه‌موو شه‌وێ ئه‌وه‌نده‌ بیرت ئه‌که‌م که‌ به‌ فرمێسکه‌کانم هه‌موو کۆڵانه‌کانى شارى سلێمانى ته‌ڕ ئه‌که‌م ؟ ئه‌زانى زۆرت بیر ئه‌که‌م و زۆرم خۆش ئه‌وێیت؟ که‌واته‌ هه‌میشه‌ ئاگات له‌ خۆت بێت .
 
نوسراوه‌ له‌ ۱۳٩٠/۱٠/۱۳ کاتژمێر ۱٠:٠٩ ‎ق.ظ له‌ لایه‌ن shaima jaff بۆچوونه‌کان () |


بیر له‌وانه‌ بکه‌ره‌وه‌ که‌ هه‌رگیز فرسه‌تى کۆتا نیگا و کۆتا ماڵئاواییان ده‌ست نه‌که‌وت . بیر له‌وانه‌ بکه‌ره‌وه‌ که‌ له‌کاتى ڕۆشتنه‌ ده‌ره‌وه‌دا ووتیان ڕۆژێکى باشت هه‌بێت و هه‌رگیز ڕۆژیان نه‌بوو به‌ شه‌و . بیر له‌وانه‌ بکه‌ره‌وه‌ که‌ ووتیان " بابه‌ زوو بگه‌ڕێره‌وه‌ " ، تا ئێستاش دانیشتوون و چاوه‌ڕێن . بیر له‌و هاوڕێیانه‌ بکه‌ره‌وه‌ که‌ ئیترهه‌لى له‌باوه‌ش گرتنى یه‌کیان نه‌ماوه‌ و خۆزگه‌ زووتر ئه‌مه‌یان بزانیایه‌ ... بیر له‌و خه‌ڵکانه‌ بکه‌ره‌وه‌ که‌ له‌سه‌ر بابه‌تى هیچ و بێ بنه‌ما به‌رامبه‌ر یه‌ک ئه‌وه‌ستنه‌وه‌ و دواییش غروریان ڕێگر ئه‌بێت له‌ ووتنى داواى لێبوردن و ئێستاش درزێک بۆ گه‌ڕانه‌وه‌ نه‌ماوه‌ . من بۆ هه‌موو ئه‌وانه‌ى که‌ هیچ نیشانه‌یه‌کیان بۆ مردن پێوه‌ دیار نه‌بوو و کتوپڕ و له‌ناکاو چاویان له‌ جیهان داخست پرسه‌ ئه‌گرم .من بۆ هه‌موو ئه‌و به‌جێماوانه‌ى که‌ خه‌مناک دانیشتوون و هه‌رگیز نه‌یان ئه‌زانى که‌ ئه‌وه‌ کۆتا زه‌رده‌خه‌نه‌یه‌کى گه‌رمه‌ که‌ بۆ یه‌کى ئه‌که‌ن و ئێستا دڵته‌نگ و خه‌مناکى له‌ده‌ست ڕۆیشتوه‌کانی خۆیان دانیشتوون ئه‌گریم ... بیر له‌و که‌سانه‌ى ده‌وروبه‌رتان بکه‌نه‌وه‌ ، ئه‌و که‌سانه‌ى که‌ زیاتر له‌ هه‌مووان خۆشتان ده‌وێن ، هه‌ل بۆ داواى لێبوردن به‌ گرنگ و گرانبه‌ها بزانن ، سه‌باره‌ت به‌ هه‌ر که‌سێ که‌ به‌رامبه‌ر به‌و دووچارى هه‌ڵه‌ بوون . به‌هاى چرکه‌کانى خۆتان بزانن . ته‌نانه‌ت یه‌ک چرکه‌ش له‌وه‌ى که‌ ئه‌وان خۆیان ئاگایان له‌ دڵى ئێوه‌یه‌ له‌ کیس مه‌ده‌ن . له‌به‌ر ئه‌وه‌ى ئه‌گه‌رئیتر ئه‌وان نه‌بن ، بۆ ده‌ربڕینى په‌شیمانى زۆر دره‌نگ ئه‌بێت . دوێنێ ڕۆیشتوه‌ ، داهاتوو له‌وانه‌یه‌ هه‌رگیز نه‌بێت ، چرکه‌ى ئێستا ته‌نیا فرسه‌تێکه‌ که‌ بۆ چاودێرى کردن له‌ خۆشه‌ویسته‌کانت هه‌ته‌ ... تۆزێ بیر بکه‌ره‌وه‌ .
 
نوسراوه‌ له‌ ۱۳٩٠/۱٠/۱۳ کاتژمێر ۱٠:٠٦ ‎ق.ظ له‌ لایه‌ن shaima jaff بۆچوونه‌کان () |


خۆشم ئه‌وێیت وه‌ک خاکی پاکی ووڵاته‌که‌م ... خۆشم ئه‌وێیت وه‌ک بۆنی خۆشی گووڵه‌کان ... به‌ شێوه‌یه‌کی زۆر سه‌یر و له‌ ژماردن به‌ده‌ر خۆشم ئه‌وێیت ... که‌واته‌ چۆن دڵت یه‌ت به‌ ته‌نیا جێم بهێڵیت ؟!... خۆشم ئه‌وێیت وه‌ک چرکه‌ی خه‌ونی ئه‌ستێره‌کان ... خۆشم ئه‌وێیت وه‌ک هه‌ستی خۆر ئاوابوون ... که‌واته‌ چۆن ئه‌ڵێیت دڵت یه‌ت به‌ ته‌نیا جێم بهێڵیت ؟!...خۆشم ئه‌وێیت وه‌ک ڕۆژی له‌ دایک بوونت ... خۆشم ئه‌وێیت وه‌ک هه‌ستی ناسک و بێگه‌ردی خۆت ... که‌واته‌ ته‌نیام مه‌که‌ ...
 
نوسراوه‌ له‌ ۱۳٩٠/۱٠/۱۳ کاتژمێر ۱٠:٠٥ ‎ق.ظ له‌ لایه‌ن shaima jaff بۆچوونه‌کان () |


من له‌ ژێر باراندا ڕاوه‌ستاوم و چاوه‌ڕێی تۆ ئه‌که‌م ، چه‌ترم به‌ سه‌ره‌وه‌ نیه‌ ... ئه‌مه‌وێت هه‌نگاوه‌کانت و ژماره‌ی دڵۆپه‌کانی باران بژمێرم ... تۆ به‌ر له‌ خۆش بوونه‌وه‌ی باران ئه‌گه‌یت یان باران به‌ر له‌ هاتنی تۆ خۆش ئه‌کاته‌وه‌ ؟! من که‌ گوێی ناده‌مێ ته‌نانه‌ت ئه‌گه‌ر سه‌د ساڵ له‌ ژێر باران به‌ بێ چه‌تر بمێنمه‌وه‌ به‌ لامه‌وه‌ گرنگ نابێ ، نه‌ له‌ بۆنی باران ماندوو ئه‌بم و نه‌ له‌و خاکه‌ی که‌ باران تۆزی لێ بڕیووه‌ ... هه‌ر کاتێ باڵنده‌ ده‌نگ خۆشه‌کان ئاوازی بێ ئۆقره‌یی بچڕێنن و تۆیش وویستت دیواری لێک دابڕاندنمان بڕوخێنیت وه‌ره‌ ... من تا کۆتا وه‌رزی باران چاوه‌ڕێت ئه‌مێنمه‌وه‌ ...
 
نوسراوه‌ له‌ ۱۳٩٠/۱٠/۱۳ کاتژمێر ٩:٥۸ ‎ق.ظ له‌ لایه‌ن shaima jaff بۆچوونه‌کان () |


ئه‌گه‌ر تۆ به‌ جێم بهێڵی منیش ئه‌ڕۆم بۆ بیابان و سه‌ری خۆم هه‌ڵئه‌گرم ....ئه‌گه‌ر تۆ به‌ جێم بهێڵی هه‌موو گووڵه‌کان سیس ئه‌بن ....ئه‌گه‌ر تۆ به‌ جێم بهێڵی باڵنده‌کان ئیتر ژیانیان ناوێت ...ئه‌گه‌ر تۆ به‌ جێم بهێڵی شه‌وێک ئاگر له‌ ده‌ریا به‌ر ئه‌ده‌م ...ئه‌گه‌رله‌به‌ر گووڵه‌کان و باڵنده‌کان و ده‌ریاش بووه‌ بمێنه‌ره‌وه‌ ... جێم مه‌هێڵه‌ ... ته‌نیام مه‌که‌ ...
 
نوسراوه‌ له‌ ۱۳٩٠/۱٠/۱۳ کاتژمێر ٩:٥٦ ‎ق.ظ له‌ لایه‌ن shaima jaff بۆچوونه‌کان () |


دنیایه‌ک قسه‌ی نه‌وتراو و دیسانه‌وه‌ بێده‌نگی ...نازانم بۆ گوێی که‌س قه‌رزار باری قسه‌کانی من نیه‌ ! باسی گریانه‌کانم ناکه‌م ، بهێڵه‌ وه‌ک واتای ووته‌کانم به‌ شاراوه‌یی بمێنێته‌وه‌ ... نیشانه‌ی سه‌رسوڕمانی ڕسته‌کانم هاوار ئه‌که‌ن کاتێ که‌ بۆ پرسیاره‌کانم هیچ وه‌ڵامێک نیه‌ ! بۆ ئه‌وه‌ی به‌ دڵی ئیوه‌ بم مه‌مشکێنن ،من بۆ شکان نه‌خوڵقاوم .... 
داهۆڵ گوێم لێبگره‌ هیچ باڵنده‌یه‌ک به‌ نیاز نیه‌ بتگرێته‌ باوه‌ش بۆێه‌ تکایه‌ ده‌ستت دانێ 

 

نوسراوه‌ له‌ ۱۳٩٠/۱٠/۱۳ کاتژمێر ٩:٥۳ ‎ق.ظ له‌ لایه‌ن shaima jaff بۆچوونه‌کان () |


له‌م شاره‌دا گۆێت له‌ ده‌نگی پێی خه‌ڵکانێک ئه‌بێت که‌ ماچت ئه‌که‌ن به‌ڵام له‌ هه‌مان کاتیشدا له‌ پشته‌وه‌ په‌تی سێداره‌ت بۆ ئاماده‌ ئه‌که‌ن ... خه‌ڵکانێک که‌ زۆر ڕاستگۆیانه‌ درۆ ئه‌که‌ن ...
 
نوسراوه‌ له‌ ۱۳٩٠/۱٠/۱۳ کاتژمێر ٩:٤٩ ‎ق.ظ له‌ لایه‌ن shaima jaff بۆچوونه‌کان () |


حه‌زم ئه‌کرد هه‌وا بوومایه‌ بۆ ئه‌وه‌ی ببم به‌ هه‌ناسه‌کانت ...حه‌زم ئه‌کرد کاتژمێره‌که‌ت بوومایه‌ بۆئه‌وی هه‌میشه‌ چاوه‌کانت ببینم ... زۆر حه‌ز ئه‌که‌م بتبینم هه‌تا دیسانه‌وه‌ زیندوو ببمه‌وه‌ .... چی بکه‌م ناتوانم تۆم نه‌بیت من ئه‌مرم ... حه‌ز ئه‌که‌م بتبینم هه‌تا هه‌موو نووسینه‌کانم واتادارتر بن ... ئه‌مه‌وێ بڕۆم بۆ ئاسمان و هه‌موو فریشته‌کان بنێرم بۆ لات هه‌تاوه‌کوو پێت بڵێن زۆرم خۆش ئه‌وێیت ... ئه‌مه‌وێ بڕۆم و به‌ مانگ بڵێم بێته‌ سه‌ر ڕێگات وپێت بڵێت ئه‌گه‌ر نه‌تبینم ئه‌مرم ... زۆر حه‌ز ئه‌که‌م بتبینم هه‌تا دیسانه‌وه‌ زیندوو ببمه‌وه‌ .... چی بکه‌م ناتوانم تۆم نه‌بیت من ئه‌مرم ..

 

نوسراوه‌ له‌ ۱۳٩٠/۱٠/۱۳ کاتژمێر ٩:٤٥ ‎ق.ظ له‌ لایه‌ن shaima jaff بۆچوونه‌کان () |


سوێندت ئه‌ده‌م به‌ خوا له‌ پاش من ئاگات له‌ خۆت بێت ... ئارام بگره‌ و له‌ بیری ژیانتدا به‌ ... خه‌م دام ئه‌گرێت ئه‌گه‌ر هه‌ست بکه‌م خه‌فه‌ت ئه‌خۆیت ... گله‌یی له‌ که‌س مه‌که‌ هه‌رچه‌نده‌ زۆر دڵ پڕییت ... بێزار مه‌به‌ ئه‌ی دڵسۆزه‌که‌م ، هێشتا هه‌ر خۆشم ئه‌وێیت ئه‌مه‌ت له‌ بیر بێت ... نیگه‌رانتم ، ئه‌گه‌ر هه‌ڵه‌م کردوه‌ لێم ببوره‌ ... دیسانه‌وه‌ له‌به‌ر هه‌موو باشیه‌کانت لێم ببوره‌ ... لێم ببوره‌ ... لێم ببوره‌ ... ئه‌یشتوانیت له بیرم بکه‌یت و وابزانیت منت هه‌ر نه‌بووه‌ ... له‌بیرم بکه‌ و بڵێ منت هه‌ر نه‌ویستووه‌ ...بێزار مه‌به‌ ئه‌ی دڵسۆزه‌که‌م ، هێشتا هه‌ر خۆشم ئه‌وێیت ئه‌مه‌ت له‌ بیر بێت ... ئه‌گه‌ر هه‌ڵه‌م کردوه‌ لێم ببوره‌ ... لێم ببوره‌ ...
 
نوسراوه‌ له‌ ۱۳٩٠/۱٠/۱۳ کاتژمێر ٩:٢٩ ‎ق.ظ له‌ لایه‌ن shaima jaff بۆچوونه‌کان () |


هه‌ر ئه‌ونده‌ی که‌ ئه‌نوسم و تۆ ئه‌خه‌مه‌ ناو ڕسته‌کانمه‌وه ، دیسانه‌وه خه‌م ده‌بێته‌وه‌ به‌ میوانم ... هه‌ر ئه‌وه‌نده‌ی که‌ وه‌کو گووڵ له‌ ناو ده‌فته‌ره‌که‌مدا ئه‌پشکوێیت ... دیسانه‌وه‌ جوانی ڕووخسارتم به‌ بیر دێنێته‌وه‌ ... ئه‌وه‌نده‌ زوو زوو لێم دوور مه‌که‌وه‌ره‌وه‌ ... ئاخه‌ر خۆ ناکرێت تۆم نه‌بێت ... گریان ئیشی منه‌ تۆ فرمێسکه‌کانت به‌ فیڕۆ مه‌ده‌ ... مه‌وداکانیش هه‌ر هی منن ، بۆیه‌ سوێندت ئه‌ده‌م به‌ خوا تۆ له‌ من دوور مه‌که‌وه‌ره‌وه‌ ... بمێنه‌ره‌وه‌ هه‌تا بڕوا بکه‌یت که‌ گریان له‌ من تێر نابێت ... ئه‌وه‌نده‌ زوو زوو لێم دوور مه‌که‌وه‌ره‌وه‌ ... ئاخه‌ر خۆ ناکرێت تۆم نه‌بێت ...
 
نوسراوه‌ له‌ ۱۳٩٠/۱٠/۱۳ کاتژمێر ٩:٢۱ ‎ق.ظ له‌ لایه‌ن shaima jaff بۆچوونه‌کان () |


بڕوا کردنی بۆ من زۆر سه‌خته‌ خه‌ریکن تۆم لێ ئه‌سێنن ... بڕوا کردنی بۆ من زۆر سه‌خته‌ ئیتر هاوڕێت نه‌بم ... سه‌خته‌ ئارامگرتن له‌سه‌ر ئه‌و شه‌وانه‌ی حه‌ز به‌ گریان بکه‌یت و ئیتر که‌ست نه‌بێت بۆی باس بکه‌یت ... سه‌خته‌ دوور که‌وتنه‌وه‌ له‌ چاوه‌کانت ... سه‌خته‌ ئیتر گوێم له‌ ئاهه‌نگی ده‌نگت نه‌بێت ... کێ وه‌ک خۆت ئه‌مه‌ ئه‌زانێ ... کێ وه‌ک من بۆت ئه‌مرێت ؟ ... یه‌کێ ئه‌یه‌وێ تۆ له‌ من بسێنێ ... یه‌کێ که‌ تۆی وه‌ک من خۆش ناوێ ... یه‌کێ ئه‌یه‌وێ تۆ من به‌ ته‌نیا به‌ جێبهێڵی ... له‌ جیاتی من هاوڕێی ئه‌و بیت ... یه‌کێ ئه‌یه‌وێ تۆ له‌ من بسێنێ ... یه‌کێ که‌ تۆی وه‌ک من خۆش ناوێ ...
 
نوسراوه‌ له‌ ۱۳٩٠/۱٠/۱۳ کاتژمێر ٩:۱٤ ‎ق.ظ له‌ لایه‌ن shaima jaff بۆچوونه‌کان () |


هه‌مووان به‌ دواتدا ئه‌گه‌ڕێن ناتدۆزنه‌وه‌ ، ئه‌ته‌وێت پێیان بڵێم له‌ ناو دڵی مندا زیندانی کراویت ؟ تۆ له‌ ناو دڵمدا سزای هه‌تاهه‌تاییت به‌سه‌ردا سه‌پێنراوه‌ .

 
نوسراوه‌ له‌ ۱۳٩٠/۱٠/۱۳ کاتژمێر ۸:٥٩ ‎ق.ظ له‌ لایه‌ن shaima jaff بۆچوونه‌کان () |


هه‌ر کاتێک ئیتر منت خۆش نه‌ویست به‌ ده‌نگی به‌رز هاوار مه‌که‌ هه‌تا بیزانم ، به‌ هیواشی به‌ گوێمدا بیڵێ هه‌تا هێدی هێدی بتوێمه‌وه‌و له‌ تاو ئازار بمرم .
 
نوسراوه‌ له‌ ۱۳٩٠/۱٠/۱۳ کاتژمێر ۸:٥٧ ‎ق.ظ له‌ لایه‌ن shaima jaff بۆچوونه‌کان () |


له‌ ڕۆژگارێکدا که‌ وه‌فا چیرۆکی به‌فره‌ له‌ هاویندا وڕاستگۆیی گووڵێکی ده‌گمه‌نه‌ و کاتێ له‌ ئاوێنه‌ی چاوانی هه‌موو ڕێبوارێکدا خه‌م هاوار ئه‌کات ، ئه‌وسا ئه‌بێت به‌ کێ بڵێم : من له‌گه‌ڵ تۆدا جوانترین وباشترین و به‌خته‌وه‌رترین مرۆڤم .
 
نوسراوه‌ له‌ ۱۳٩٠/۱٠/۱۳ کاتژمێر ۸:٥٥ ‎ق.ظ له‌ لایه‌ن shaima jaff بۆچوونه‌کان () |


کاتێ که‌ له‌ دایک ئه‌بین به‌ گوێماندا بانگ ئه‌ده‌ن ، کاتێکیش که‌ ئه‌مرین نوێژمان له‌ سه‌ر ئه‌که‌ن . که‌واته‌ ژیان ماوه‌یه‌کی کورتی نێوان بانگ و نوێژه‌ .هه‌ر بۆێه‌ منیش ئێستا له‌م ماوه‌ که‌مه‌دا پێت ئه‌ڵێم نازداره‌که‌م زۆرم خۆش ئه‌وێت ، نه‌کا بمرم و ماوه‌م نه‌بێت بۆت دووباره‌ بکه‌مه‌وه‌ .
نوسراوه‌ له‌ ۱۳٩٠/۱٠/۱٢ کاتژمێر ٧:۱٥ ‎ب.ظ له‌ لایه‌ن shaima jaff بۆچوونه‌کان () |


به‌خته‌وه‌ری واتا خوا ئه‌ونده‌ ئازیزت بکات که‌ بوونت ببێته‌ مایه‌ی ئارامی خه‌ڵکی . 
بۆیه‌ ئه‌ڵێم سوێند بێت به‌ خوا زۆرت بیر ئه‌که‌م ...
نوسراوه‌ له‌ ۱۳٩٠/۱٠/۱٢ کاتژمێر ٧:۱٢ ‎ب.ظ له‌ لایه‌ن shaima jaff بۆچوونه‌کان () |


خوایه گیان ئه‌و هاوڕێ باشه‌م که‌ قوڵایی دڵم جێگایه‌تی ، ئه‌و شیاوی خۆش وویستنه‌ ، یادی مایه‌ی ئارامی گیانمه‌ ، هه‌میشه‌ باش بێنه‌ره‌ ڕێگای وسه‌لامه‌ت و ته‌مه‌ن درێژی بکه‌ ... ئامین
نوسراوه‌ له‌ ۱۳٩٠/۱٠/۱٢ کاتژمێر ٧:۱۱ ‎ب.ظ له‌ لایه‌ن shaima jaff بۆچوونه‌کان () |

ئه‌ڕه‌نجێم له‌و که‌سانه‌ی که‌ بوون به‌ڵام بوونیان نه‌سه‌لماند ... ئه‌ڕه‌نجێم له‌ هه‌موو ئه‌و که‌سانه‌ی که‌ گوێیان له‌ هاواری خه‌مه‌کانم نه‌بوو ... من لێیان ئه‌ڕه‌نجێم له‌به‌ر ئه‌وه‌ی پشتیوانی ڕۆژه‌ ناخۆشه‌کانم نه‌بوون و هه‌ستیان به‌ ئازاری ناخم نه‌کرد ... ئه‌ڕه‌نجێم له‌و که‌سانه‌ی که‌ ڕۆژێک من په‌نای هه‌ستیان بووم و ئه‌مڕۆ زۆر به‌ ئاسانی منیان له‌ بیر کرد ... من ته‌نانه‌ت له‌ خۆیشم ئه‌ڕه‌نجێم ، له‌ هه‌موو هه‌سته‌ پاکه‌کانم بۆیان که‌ منیان پێ وورد کرد ئه‌ڕه‌نجێم ... ئه‌ڕه‌نجێم و که‌س نیه‌ هه‌ست به‌ ڕه‌نجاندنی دڵی من بکات .

نوسراوه‌ له‌ ۱۳٩٠/۱٠/۱٢ کاتژمێر ٧:٠٤ ‎ب.ظ له‌ لایه‌ن shaima jaff بۆچوونه‌کان () |

شیرینی ژیانی من به‌ هۆی (تۆ)وه‌یه‌ تکایه‌ جێم مه‌هێڵه‌ ...

نوسراوه‌ له‌ ۱۳٩٠/۱٠/۱٢ کاتژمێر ٦:٤٥ ‎ب.ظ له‌ لایه‌ن shaima jaff بۆچوونه‌کان () |

هه‌ر یه‌کێک له‌ ئێمه‌ له‌م دنیایه‌ ئاواتێکمان هه‌یه‌ : یه‌کێک پاره‌ی ئه‌وێت ، یه‌کێ جوانی ، یه‌کێ پله‌ و پایه‌ . به‌ڵام به‌ لای منه‌وه‌ هاوڕێیه‌کی ڕاسته‌قینه‌ له‌ هه‌موو ئه‌مانه‌ باشتره‌ .

نوسراوه‌ له‌ ۱۳٩٠/۱٠/۱٢ کاتژمێر ٦:٤۳ ‎ب.ظ له‌ لایه‌ن shaima jaff بۆچوونه‌کان () |

هاوڕێیه‌تی وه‌ستان له‌ ژێر باران و ته‌ڕ بوون نیه‌ ... هاوڕێیه‌تی ئه‌وه‌یه‌ که‌ یه‌کێکیان بۆ ئه‌ویتریان ببێت به‌ چه‌تر و ئه‌و هه‌رگیز نه‌زانێت که‌ بۆ ته‌ڕ نه‌بووه‌ ...

 

نوسراوه‌ له‌ ۱۳٩٠/۱٠/۱٢ کاتژمێر ٦:۳٦ ‎ب.ظ له‌ لایه‌ن shaima jaff بۆچوونه‌کان () |

ئه‌مڕۆ بۆ ده‌ربڕینی هه‌ستی خۆت بۆ ئازیزانت به‌ دڕه‌نگ بزانه‌ ، له‌وانه‌یه‌ سبه‌ی نه‌توانی هه‌ستت ده‌رببڕیت ... هه‌میشه‌ نرخی ئه‌و که‌سانه‌ی که‌ خۆشت ئه‌وێن له‌ نه‌بوونیاندا ته‌نانه‌ت به‌ یه‌ک چرکه‌ش ئاشکرا ئه‌بێت . بۆیه‌ به‌ر له‌ بڕیاردان بۆ یه‌ک چرکه‌ بیهێنه‌ره‌ به‌ر چاوی خۆت ئه‌گه‌ر خوانه‌خواسته‌ به‌ هه‌ر شێوه‌یه‌ک له‌ کیست بچێت تۆ چیت به‌سه‌ر دێت ؟ که‌واته‌ هه‌تا هه‌ن نرخیان بزانه‌ . بۆیه‌ منیش ئه‌ڵێم ئازیزترینم هه‌میشه‌ خۆشم ئه‌وێیت ...

 

نوسراوه‌ له‌ ۱۳٩٠/۱٠/۱٢ کاتژمێر ٦:٢۳ ‎ب.ظ له‌ لایه‌ن shaima jaff بۆچوونه‌کان () |

من له هه موو جه نگه کاندا دۆڕاندم
مه دالیاى هیچ سه رکه‌وتنێکم به به رۆکمه‌وه‌ نه دى 
ته‌نها له‌ جه‌ نگى ساردى تۆدا نه بێ
نۆبڵى ماچم له ئاشتیدا وه‌ رگرت
نوسراوه‌ له‌ ۱۳٩٠/۱٠/۱٢ کاتژمێر ٥:٥٤ ‎ب.ظ له‌ لایه‌ن shaima jaff بۆچوونه‌کان () |

دیسانه‌وه‌ بیرت ئه‌که‌م ... دیسانه‌وه‌ دڵم داوای تۆ ئه‌کات ... چاوه‌کانم فرمێسک ئه‌ڕێژن و بۆ بینینی تۆ ئارامیان نه‌ماوه‌ ... ئه‌م ڕێگایه‌ی نێوانمان ئاگای له‌ دڵی من نیه‌ ... کۆڵانه‌که‌شمان بیری تۆ ئه‌کات ... ناونیشانێکم ئه‌وێت بیده‌م به‌ دڵم ، له‌مه‌ زیاتر شک نابه‌م بۆ ئه‌وه‌ی ئۆقره‌ بگرێت ... بۆنی خۆشی تۆ هێشتا له‌ ژووره‌که‌مدایه‌ . زۆرت بیر ئه‌که‌م ئاخه‌ر جگه‌ له‌ تۆ کێ له‌ ئازاره‌کانی من تێ ئه‌گات ...

 

نوسراوه‌ له‌ ۱۳٩٠/۱٠/۱٢ کاتژمێر ۳:۱٥ ‎ب.ظ له‌ لایه‌ن shaima jaff بۆچوونه‌کان () |

ئه‌ونده‌ خۆشم ئه‌وێیت که‌ که‌س به‌و شێوه‌یه‌ که‌سی خۆش نه‌ویستووه‌ ... ئه‌ونده‌ بۆت ئه‌مرم به‌قه‌د دنیایه‌ک باشی ، به‌قه‌د هه‌زار ئه‌ستێره‌ ... به‌ بێ تۆ دڵته‌نگم ، کاتێ که‌ ته‌نیا ئه‌بم هه‌ر چاوه‌ڕێتم ... ئه‌ونده‌ خۆشم ئه‌ویت که‌ که‌س به‌و شێوه‌یه‌ که‌سی خۆش نه‌ویستووه‌ ... کاتێ که‌ سه‌یرم ئه‌که‌یت جوانیه‌کانتم خۆش ئه‌وێت ، شێوازی پاکی چاوه‌کانت ، ڕه‌نگی نیگاتم خۆش ئه‌وێت ... کاتێ گوێم له‌ ده‌نگت ئه‌بێت دڵم به‌ره‌و لات دێت ... ترسی یه‌ک ڕۆژ نه‌بینینی تۆ خه‌می گه‌وره‌ی دڵی منه‌ ... 

 

نوسراوه‌ له‌ ۱۳٩٠/۱٠/۱٢ کاتژمێر ٢:٥٦ ‎ب.ظ له‌ لایه‌ن shaima jaff بۆچوونه‌کان () |

سڵاوی پڕ له‌ سۆزم بۆ ئه‌و که‌سه‌ی که‌ هه‌موو که‌م و کورتیه‌کانم ئه‌زانێت ، به‌ڵام له‌گه‌ڵ هه‌موو ئه‌مانه‌شدا هێشتا هه‌ر منی خۆش ئه‌وێت ...

 

نوسراوه‌ له‌ ۱۳٩٠/۱٠/۱٢ کاتژمێر ٢:۳۸ ‎ب.ظ له‌ لایه‌ن shaima jaff بۆچوونه‌کان () |

 I sought for love , but love runaway from me... I sought my soul but soul couldnot see... Then I sought you and I found all three

نوسراوه‌ له‌ ۱۳٩٠/۱٠/۱٢ کاتژمێر ٢:٢٧ ‎ب.ظ له‌ لایه‌ن shaima jaff بۆچوونه‌کان () |

ئه‌ی هه‌موو مایه‌ی ئارامی من ... یاخوا هه‌رگیز به‌ په‌رێشانی نه‌تبینم ... وه‌کو شه‌وی تاریک هه‌رگیز به‌ خه‌مباری نه‌تبینم ... ئه‌ی تۆ که‌ له‌ چاوی مندا په‌نجه‌ره‌یه‌ک له‌ زه‌رده‌خه‌نه‌یت ... وه‌کو هاوڕێی ته‌عزێبار به‌م جوره‌ گریاناوی یاخوا هه‌رگیز نه‌تبینم ... سه‌ر بخه‌ره‌ سه‌ر شانم ئه‌ی گووڵی هه‌میشه‌ به‌هاری من ... هه‌تاوه‌کو خه‌می بێ په‌نایی له‌ چاوانتا نه‌بینم ... خۆزگه‌ خه‌مه‌کانی خۆت له‌گه‌ڵ دڵی مندا به‌ش ئه‌کرد ... هه‌تاوه‌کو له‌مه‌ زیاتر لافاوی فرمێسک له‌ لات به‌ میوانی نه‌بینم ... 

 

نوسراوه‌ له‌ ۱۳٩٠/۱٠/۱٢ کاتژمێر ۱:٥٥ ‎ب.ظ له‌ لایه‌ن shaima jaff بۆچوونه‌کان () |

ده‌نگت ته‌نیا په‌نای هه‌ستی منه‌ ، کاتێ که‌ گوێم له‌ ده‌نگت ئه‌بێت هه‌ست به‌ به‌خته‌وه‌ری ئه‌که‌م . حه‌ز ئه‌که‌م هاوار بکه‌م هه‌تا ده‌نگی هاوڕێیه‌تیمان به‌ گوێی هه‌مووان بگه‌یه‌نم . له‌وانه‌یه‌ بڕوا نه‌که‌یت به‌ڵام به‌ بینینت گریانم دێت و بۆ ئه‌وه‌ی تۆ ئازار نه‌چێژیت به‌ر له‌ گریانه‌کانم  ئه‌گرم . ته‌نیا یه‌ک شت ئارامم ئه‌کاته‌وه‌ " قسه‌ کردن له‌گه‌ڵ تۆدا " ... به‌ پاکی خۆشه‌ویستیم بۆ تۆ سوێندت ئه‌ده‌م مه‌هێڵه‌ دووریه‌کان له‌مه‌ زیاتر ببن ، له‌به‌ر ئه‌وه‌ی ترس له‌ ڕودانی ئه‌م ڕووداوه‌ خه‌ریکه‌ من ئه‌کوژێت . نیگه‌رانم له‌وه‌ی که‌ ئه‌م دووریانه‌ ئه‌وه‌نده‌ زۆر ببێت که‌ ته‌نانه‌ت بۆ ڕۆیشتنت نه‌گه‌ڕێیته‌وه‌و ماڵئاواییه‌کم لێ نه‌که‌یت . حه‌ز ئه‌که‌م به‌ زووترین کات بگه‌ڕێیته‌وه‌ به‌رله‌وه‌ی گووڵه‌کانی چاوه‌ڕوانی هه‌ڵبوه‌رن و نیگه‌رانیه‌کانم له‌ پێم بخه‌ن . چاوه‌ڕوانی تۆی ئازیزتر له‌ گیانمم هه‌ر کاتێ له‌ هه‌ر شوێنێ که‌ پێت کرا ...

 

 

نوسراوه‌ له‌ ۱۳٩٠/۱٠/۱٢ کاتژمێر ۱٢:٥٥ ‎ب.ظ له‌ لایه‌ن shaima jaff بۆچوونه‌کان () |

بنام خدا

كاربر گرامي

با سلام و احترام

پيوستن شما را به خانواده بزرگ وبلاگنويسان فارسي خوش آمد ميگوييم.
شما ميتوانيد براي آشنايي بيشتر با خدمات سايت به آدرس هاي زير مراجعه كنيد:

http://help.persianblog.ir براي راهنمايي و آموزش
http://news.persianblog.ir اخبار سايت براي اطلاع از
http://fans.persianblog.ir براي همكاري داوطلبانه در وبلاگستان
http://persianblog.ir/ourteam.aspx اسامي و لينك وبلاگ هاي تيم مديران سايت

در صورت بروز هر گونه مشكل در استفاده از خدمات سايت ميتوانيد با پست الكترونيكي :
support[at]persianblog.ir

و در صورت مشاهده تخلف با آدرس الكترونيكي
abuse[at]persianblog.ir
تماس حاصل فرماييد.

همچنين پيشنهاد ميكنيم با عضويت در جامعه مجازي ماي پرديس از خدمات اين سايت ارزشمند استفاده كنيد:
http://mypardis.com


با تشكر

مدير گروه سايتهاي پرشين بلاگ
مهدي بوترابي

http://ariagostar.com
نوسراوه‌ له‌ ۱۳٩٠/۱٠/۱٢ کاتژمێر ۱٢:۳٧ ‎ب.ظ له‌ لایه‌ن پرشین بلاگ بۆچوونه‌کان () |


قالبى وێبلاگ : قالبى وێبلاگ

<