هاوڕێ نازداره‌که‌م

ئه‌و سێ په‌یکه‌ره‌ی به‌رده‌م کتێبخانه‌ی گشتیت بینیووه‌ ؟؟؟ زۆر جوان دروست کراون به‌ جۆرێک که‌ نه‌ تووڕه‌ن و نه‌ هه‌ست به‌ ئازار ئه‌که‌ن وا دیاره‌ که‌ هیچ نابیستن و هیچیش ناڵێن و هیچ هیوا و خه‌مێکیشیان نیه‌ . زستانی ڕابردوو من بووم به‌ هاوڕێی ئه‌م په‌یکه‌رانه‌ . له‌به‌ر ئه‌وه‌ی هه‌ندێ جار ئه‌ڕۆیشتم بۆ کتێبخانه‌و منیش هه‌ندێ کات له‌ لایانه‌وه‌ ئه‌وه‌ستام و سکاڵای دڵم بۆ هه‌ڵئه‌ڕشتن ، چونکه‌ له‌ نهێنی پاراستنی ئه‌وان دڵنیا بووم . هه‌ر بۆیه‌ ماوه‌یه‌ک به‌ر له‌ ئێستا هه‌موو ڕۆژێک ئه‌ڕۆیشتم بۆ لایان و باسی (خۆم و تۆ) م بۆ ئه‌گێڕانه‌وه‌ هه‌تا له‌ کۆتا ڕۆژدا له‌ ناکاو هه‌ر سێ په‌یکه‌ره‌که‌ به‌ ده‌نگێکی زۆر ترسناک درزیان برد ، سه‌رم  زۆر سوڕما !!! هه‌ڵبه‌ته‌ بۆ په‌یکه‌ره‌کان نا ...
ئێستا چه‌ن شوێنێکی په‌یکه‌ره‌کانیان چاک کردوه‌ته‌وه‌ و به‌ منیشیان ووت ئیتر له‌ لای ئه‌و په‌یکه‌رانه‌وه‌ دانه‌نیشم ... 
وابزانم هه‌تا ئه‌و ڕۆژه‌ی من ئه‌مرم له‌ سه‌رسووڕماندا ئه‌ژیم ، هه‌ڵبه‌ته‌ نه‌ک له‌به‌ر په‌یکه‌ره‌کان ...
ئازیزم ئه‌گه‌ر ئێستا بڕۆم و باسی کرده‌وه‌ی ئه‌م ئێواره‌یه‌تیان بۆ بگێڕمه‌وه‌ ئه‌بێت چیان لێ به‌سه‌ر بێت ؟؟؟!

نوسراوه‌ له‌ ۱۳٩۱/٧/٢٢ کاتژمێر ۱٠:٥٥ ‎ب.ظ له‌ لایه‌ن shaima jaff بۆچوونه‌کان () |

هه‌بوونی هه‌زاره‌ها هاوڕێ په‌رجوو ( موعجیزه‌ ) نیه‌ ،به‌ڵکو  په‌رجوو ئه‌وه‌یه‌ که‌ یه‌ک هاوڕێت هه‌بێت به‌ڵام له‌ هه‌زاره‌ها ڕێگادا له‌گه‌ڵت بمێنێته‌وه‌ ... هاوڕێی  ڕاسته‌قینه‌ش ئه‌و که‌سه‌یه‌ که‌ هه‌موو شتێک سه‌باره‌ت به‌ ڕابردووی تۆ ئه‌زانێت به‌ڵام له‌گه‌ڵ ئه‌مه‌شدا دیسانه‌وه‌ تۆی خۆش ئه‌وێت ... که‌واته‌ ئه‌گه‌ر خاوه‌نی هاوڕێیه‌کی وه‌هان تکایه‌ ئازاری مه‌ده‌ن هه‌تا ئه‌توانن تێر سه‌یری بکه‌ن .
 
 
 

نوسراوه‌ له‌ ۱۳٩۱/٧/۱٦ کاتژمێر ۱۱:٢۱ ‎ب.ظ له‌ لایه‌ن shaima jaff بۆچوونه‌کان () |


قالبى وێبلاگ : قالبى وێبلاگ

<