هاوڕێ نازداره‌که‌م

زۆر ناخۆشه‌ له‌ دوای چه‌ند ساڵ تازه‌ بزانیت که‌ ئه‌و به‌ڕاستی تۆی خۆش نه‌ویستووه‌ . زۆر ناخۆشه‌ که‌ تامی  ڕاسته‌قینه‌ی مه‌رگ بچێژیت به‌ڵام سبه‌ی دیسانه‌وه‌ چاوه‌کانت بکه‌یته‌وه‌و بزانیت که‌ هێشتا نه‌مردوویت و ناچار بیت ڕۆژێکیتر له‌گه‌ڵ یاده‌وه‌ریه‌کانیدا به‌سه‌ر ببه‌یت ، به‌ڵام ئه‌و ئیتر له‌ لات نیه‌ هه‌رچه‌نده‌ تۆ هه‌میشه‌ له‌ لایه‌وه‌ بوویت و ئه‌و هه‌رگیز نه‌یئه‌بینیت ... ئه‌مه‌ش ڕێک وه‌کو ئه‌وه‌ وایه‌ ئه‌و تۆ بخاته‌ گریان و تۆ ئه‌و بخه‌یته‌ پێکه‌نین و ئه‌ویش یه‌کێکی تر  دڵخۆش بکات ... زۆر ناخۆشه‌ بڵێت خۆشم ئه‌وێیت به‌ڵام ئیتر تۆم ناوێت ... ته‌نیایی ، بێ هیوایی و گریان ته‌نها دیاریه‌ک بووه‌ که‌ داویه‌تی به‌ تۆ ، به‌ڵام تۆ ژیانی خۆتت پێ به‌خشیووه‌ ... زۆر ناخۆشه‌ ئه‌و دڵت بشکێنێ له‌ کاتێکدا دڵت ته‌نها وێنه‌یه‌کی جوانی خۆیی تێدا بوو . له‌گه‌ڵ ئه‌وه‌شدا تۆیش ئه‌توانی دڵی بشکێنیت به‌ڵام ئه‌و کاره‌ ناکه‌یت چوونکه‌ زۆرت خۆش ئه‌وێت ...  زۆر ناخۆشه‌ ته‌نیا ئاواتت مردن بێت به‌ڵام ئه‌و بتوانێت له‌گه‌ڵ یه‌کێکی تازه‌ هاتوودا ژیانێکی خۆش به‌سه‌ر ببات ... له‌وه‌ ناخۆشتر ئه‌وه‌یه‌ پێت بڵێن ئه‌و هه‌رگیز خۆشی نه‌ویستوویت ته‌نها یاری پێ کردوویت ... زۆر ناخۆشه‌ به‌ بینینی فرمێسک له‌ چاووتا کۆ ببێته‌وه‌ به‌ڵام ئیتر فرمێسکه‌کانیشت بۆ ئه‌و گرنگ نه‌بێت ... زۆر ناخۆشه‌ ده‌ست به‌یته‌ هه‌ر شتێک به‌و هیوایه‌ی کێوێکت له‌ پشته‌ به‌ڵام کاتێک ئاوڕ ئه‌ده‌یته‌وه‌ سه‌یر ئه‌که‌یت ته‌مه‌نێکه‌ پشتت چۆڵه‌ ... ئێستا ئیتر ئه‌و له‌گه‌ڵ یه‌کێکی تر دڵخۆشه‌ و ئیتر تۆ به‌لایه‌وه‌ گرنگ نیت . شێوازی یاریه‌که‌ی وابوو من خۆم ئه‌شارمه‌وه‌و ئه‌و یه‌کێکی تر ئه‌دۆزیته‌وه‌ ...

            

      

نوسراوه‌ له‌ ۱۳٩٢/٢/٢٧ کاتژمێر ۱۱:٥٩ ‎ب.ظ له‌ لایه‌ن shaima jaff بۆچوونه‌کان () |

جیا بوونه‌وه‌ له‌و که‌سه‌ی که‌ زۆرت خۆش ئه‌وێت و بۆت ئازیزه‌ له‌گه‌ڵ مردن دا هیچ ته‌وفیرێکی نیه‌ ، ئه‌و ته‌مه‌نه‌ی که‌ به‌ بێ ئه‌و تێپه‌ڕ ئه‌بێت مردنێکه‌ به‌ ناوی ژیان ...


نوسراوه‌ له‌ ۱۳٩٢/٢/٢٥ کاتژمێر ۱:۱۸ ‎ب.ظ له‌ لایه‌ن shaima jaff بۆچوونه‌کان () |

جلی ڕه‌شی له‌به‌را بوو ، هات بۆ دارستان ... به‌هیز بووم و به‌ توانا ، منی هه‌ڵبژارد ... ده‌ستێکی لێوه‌دام ، ته‌وره‌که‌ی ده‌رهێنا و پیایا کێشام ، توند و توندتر یه‌ک به‌ دوای یه‌کا پیایا ئه‌کێشام . شانازیم به‌ خۆمه‌وه‌ ئه‌کرد ئیتر نه‌م ئه‌ویست دره‌خت بم ، داهاتوویه‌کی باش چاوه‌ڕێی ئه‌کردم ... ئازاری ته‌وره‌کانی زیاتر ئه‌بوو که‌ له‌ناکاو چاووی به‌ دره‌ختێکی تر که‌ووت ، ئه‌و به‌هێزتر و به‌ تواناتر بوو له‌ من ... منی به‌ برینه‌کانمه‌وه‌ به‌جێهێشت و ڕۆیشت بۆ لای ئه‌و ... من که‌ ئیتر نه‌ درخت بووم و نه‌ ته‌خته‌ی ڕه‌شی خوێندنگایه‌ک و نه‌ گۆچانی که‌سێکی پیر ، وشک هه‌ڵهاتم .... 
ـ ـ ـ ـ ـ ـ
یاری کردن به‌ هه‌ستی که‌سانی تر وه‌ک چیرۆکی ته‌ور و دره‌خت وایه‌ . بۆیه‌ ئه‌ی ته‌ور به‌ده‌ست ، هه‌تا دڵنیا نه‌بوویت ته‌ور لێ مه‌یه‌ ! ئه‌ی مرۆڤ هه‌تا دڵنیا نه‌بوویت هه‌ستت ده‌رمه‌بڕه‌ ! بریندار ئه‌بێت به‌ ئاواتی بوون به‌ ته‌خته‌ی ڕه‌ش ، ووشک ئه‌بێت ، له‌ناو ئه‌چێت ...
 

نوسراوه‌ له‌ ۱۳٩٢/٢/٢٤ کاتژمێر ۱:۳٠ ‎ب.ظ له‌ لایه‌ن shaima jaff بۆچوونه‌کان () |

له‌ چاخی سه‌هۆڵیندا زۆرێک له‌ ئاژه‌ڵه‌کان ڕه‌ق بوونه‌وه‌و له‌ناو چوون . ژیژکه‌کان هه‌ستیان به‌م بارودۆخه‌ ناله‌باره‌ کرد و بڕیاریان دا هه‌تا له‌ ده‌وری یه‌کتر کۆببنه‌وه‌ بۆ ئه‌وه‌ی به‌م شێوه‌یه‌ یه‌کتر بپارێزن ، به‌ڵام به‌ دڕکه‌کانیان یه‌کتریان بریندار ئه‌کرد به‌تایبه‌تی ئه‌و کاتانه‌ی که‌ زیاتر له‌ یه‌ک نزیکتر ئه‌بوونه‌وه‌ هه‌تا گه‌رمتر ببنه‌وه‌ . له‌به‌ر ئه‌مه‌ش بڕیاریاندا هه‌تا له‌یه‌کتر دوور بکه‌ونه‌وه‌ به‌ڵام له‌ سه‌رما ڕه‌ق ئه‌بوونه‌وه‌و له‌ناو ئه‌چوون بۆیه‌ ناچار بوون یان دڕکی هاوڕێکانیان هه‌ڵبژێرن یان به‌وه‌ ڕازی بن وه‌چه‌یان له‌سه‌ر زه‌وی نه‌مێنێت . ئه‌وان گه‌ڕانه‌وه‌ بۆ لای یه‌کتر و دیسانه‌وه‌ نزیکتر بوونه‌وه‌ و فێر بوون له‌گه‌ڵ ئه‌و برینانه‌دا بژین که‌ له‌ ئه‌نجامی هاوڕێیه‌تی نزیکه‌وه‌ دروست ئه‌بێت له‌به‌ر ئه‌وه‌ی گه‌رمی هاوڕێکه‌ی گرنگتره‌ و به‌و جۆره‌ زیندوو ئه‌میننه‌وه‌ ... 
باشترین په‌یوه‌ندی ئه‌وه‌ نیه‌ که‌ که‌سانێکی بێ هه‌ڵه‌ و بێ که‌مووکورتی له‌ ده‌وری یه‌ک کۆ بکاته‌وه‌ ، به‌ڵکو باشترین په‌یوه‌ندی ئه‌وه‌یه‌ که‌ هه‌موو که‌سێک ئه‌وه‌ فێر بێت که‌ له‌ که‌مووکورتی هاوڕێکه‌ی ببوورێت و ستایشی باشیه‌کانیان بکات .
 
                           
نوسراوه‌ له‌ ۱۳٩٢/٢/٢۳ کاتژمێر ۱:٠٢ ‎ب.ظ له‌ لایه‌ن shaima jaff بۆچوونه‌کان () |

له‌ بیرم بێت که‌ ئیتر متمانه‌ به‌ هیچ که‌سێک و هیچ شتێک نه‌که‌م ...
له‌ بیرم بێت که‌ ئیتر بڕوا به‌ هیچ قسه‌یه‌کی جوان نه‌که‌م ...
له‌ بیرم بێت هه‌تا کاتێک خۆشیان ئه‌وێیت و له‌گه‌ڵتان که‌ که‌سێکی تازه‌یان نه‌دۆزیبێته‌وه‌ له‌به‌ر ئه‌وه‌ی ئێستا خۆشوویستن مێژووی به‌سه‌رچوونی هه‌یه‌ .

نوسراوه‌ له‌ ۱۳٩٢/٢/٢٢ کاتژمێر ٩:٠٩ ‎ب.ظ له‌ لایه‌ن shaima jaff بۆچوونه‌کان () |


قالبى وێبلاگ : قالبى وێبلاگ

<